لراوبر ویب پاڼه لراوبر يو افغان – تازه خبرونه
د بلخ ولايت په چاربولك ولسوالي كې په كورنيو پوليسو او پي ار ټي د وسلوال بريد په ترڅ كې يو كورنى پوليس مړ او دوه نور ټپيان شوي دي.
د امنيه قومنداني مسوولين وايي چې دغه پېښه هغه مهال رامنځ ته شوه چې دوى له پي ار ټي سره د يادې شوې ولسوالي په ملا شاهين كلي كې په ګزمه بوخت وو.
نوموړي بريد كوونكي د وطن او سولې دښمنان وښودل او زياته يې كړه چې د پېښې په اړه ژورې څېړنې روانې دي او ډېر زر به يې ونيسي.
خو د طالبانو وياند ذبيح الله مجاهد د پېښې پړه پر ځان اخيستې او رسنيو ته يې ويلي چې په دغه بريد كې درې ټانكونه ويجاړ شوي او ۱۱ پوليسو ژوند له لاسه وركړى.
