په جنګ کې کوي دوه کاره اکثر پښتانه

یا سر بایلي او یا ګټي سنګر پښتانه

یوې خواته دښمن بله خوا خپلو کې جنګیږي                                               

دا ځکه دي ملګرو در په در پښتانه

دوی دېته دي حیران چې به بېګاه ته مونږه څه خورو

نړۍ اوس هم ګڼي ځانته خطر پښتانه

چې ولې دې نړۍ کې ډېرو دېته کار ویلی

چې نه شي سره یو ځای لر او بر پښتانه

که جوړ له شیشو ښار او تاج محلې نه لري

دېره لري چنار لري ګودر پښتانه

یو غم مې دومر نه ژړی ملګرو لکه دا غم

چې څو به یو او بل ولي په سر پښتانه

زما ( یرغل ) له لمونځ وروسته لومړۍ دغه دعا وي

چې وځلوې خدایه لکه لمر پښتانه