هرات چارواكي: د ملي پيوستون شورا 5 غړي تښتول سوي
د هرات ولايت سيمه ايز چارواكي وايي، چي په شينډنډ ولسوالۍ كې د ملي پيوستون د شورا ۵ تنه غړي تښتول سوي دي.
د شينډنډ ولسوال لعل محمد عبدالرحيمزى آزادۍ راډيوته ويلي، چي دغه كسان د ادرسكن ولسوالۍ پر لاره د وسلوالو طالبانو لخوا تښتول سوي دي.
همدارنګه د هرات ولايت د ملي امنيت اداره وايي چي 135 كيلو ګرامه چاودېدونكي توكي او وسلې يې نيولي دي.
ددغه ادارې په اعلاميه كي راغلي، چي له دغو چاودېدونكو توكو څخه د ولسي جرګې د راتلوونكو انتخاباتو د بهير د ګډوډولو لپاره كار اخستل كېدى.