د افغان کرکټ ملي لوبډلي په انګلستان كې د سياليو اتلولۍ د ګټلو په وياړ په خوست كې د سلګونو ځوانانو او د بېلابېلو سپورتي كلپنو لخواد خوشالۍ مراسم جوړشول .

 نور عکسونه د لراوبر په البمونو کښي کتلائ سئ !

په لومړي سركې يوشمېر ځوانان د خوست ښارپه يوه پارك راټول شول او بيا يې په اتڼ كولو پيل وكړ، د خوست ولايت  المپيك امر عزيزملنګ وويل چې دوى په دوه ډوله خوشالي څرګندوي لومړى داچې افغاني ځوانانود كركټ په ډګر كې افغان بيرغ ورپاوو او زموږ هيواد ته يې وياړ ورپه برخه كړ او بله داچې د دې وتلې لوبډلې مشر نوروز منګل، نورعلي ځدراڼ او رشيدځدراڼ د خوست ولايت اوسيدونكي دي .