ذبيح الله مجاهد: دبرکت علي رضايي په نوم خپره سوې ويډيو يوه جعلي دسيسه ده

تازه خبرونه

ذبيح الله مجاهد: دبرکت علي رضايي په نوم خپره سوې ويډيو يوه جعلي دسيسه ده

د لراوبر اداره | سپتمبر 5th, 2013

د برکت علي رضايي په نوم يو کس ادعا کوي چي په له ناروې څخه د افغانستان روزګان
ولايت ته په دې موخه تللی دی چي د حکيم شجاعی او د هغه د نفرو په لاس د بې طرفه
ولسي وګړو د وژنو او شکنجه کولو په اړه يو مستند فلم جوړ کړي، نوموړی وايي د
حقيقت موندني په موخه يې ددغه ولايت د عامو خلکو سره خبري اتري کولې چي وسله والو
طالبانو نيولی او شکنجه کړی دی ، دغه کس وايي چي د وژل کېدو څخه مخکي په تېښته
بريالی سوی دی او د شجاعي د مسلحو کسانو سره يو ځای سوی دی.

رضايي دغه وسله وال کسان طالبان بللي دي خو طالب وياند ذبيح الله مجاهد دغه هڅه
ردوي او يوه جعلي دسيسه يې بولي، نوموړي لراوبر ته وويل : موږ تحقيقات وکړل، ويډيو
کاملاً لاسي او جعلی جوړه شوي ده ، ښکاریدونکي کسان هم که تاسو دقيق وګوري له سره
مجاهدين نه دي ، او نه هم وهل په ريښتيا کوي ، موږ دغه ويډيو او دغه راز
کړنه ردوو ، دايو ه جعلي دسيسه ده چې په کلکه يي غندو هم .

د کارپوهانو په نظر هم ويډيو ريښتونې نه ښکاري د ډېرو په نظر دغسي هڅي هغه
وخت رامنځته کيږي چي يوه سياسي ډله يا مافيايي ګروپ دخپلو شخصي يا سياسي ګټو د پاره
هم د يوه شخص يا ډلي د بدنامولو هڅي په داسي شکل طرحه کړي چي په ضمن کي د خلکو
اذهان ګډوډ کړي او خپل کس يا ډله مظلومه وښيي.

د يادوني وړ ده چي د وسله والو طالبانو لخوا لسګونه داسي ويډيوګاني خپرې سوي دي
چي د جاسوسۍ په تور تورنو کسانو ته د مرګ سزا ورکوي خو هغه ويډيوګاني له دغي ويډيو
سره له هره پلوه زيات توپير لري.