کراچۍ: دکراچۍ د انچوله په سیمه کې دوه چاودنې شوي، چې له امله يې اته کسان وژل شوي اوله ۱۵ ډېرټپیان دي. په ټپیانو کې ښځې او ماشومان هم شامل دي. چاودنې پر یوولسو بجو او ۲۵ دقیقو شوي دي په سیمه کې د برېښنا سیستم، یو شمېر دوکانونه او خوړنځایونه هم سخت ویجاړ شوي دی.ټپیان د عباسي شهید روغتون ته وړل شوي،‌ د دغه روغتون یو ډاکټر منلې چې په چاودنه کې ۸ کسه وژل شوي دي .امنیتي ځواکونه د احتمالي بریدونو د مخنیوي لپاره په ټول ښار کې د بشپړې تیارسۍ په حال کې دي.پولیس وایي چاودېدونکي توکي په هغو موټرسایکلو کې ځای پر ځای شوي‌ وو چې د دغو دوکانونو خوا ته ولاړ ول.تر اوسه کومې ډلې د دې برید پړه پر غاړه نه ده اخیستې.د ځايي پولیسو یو مشر جاوید ادهو وايي دغو چاودنو ډېر لوړ غږ درلود. د نوموړي په وینا سمدستي مشکله ده چې ووایو د برید تر شا د چا لاس دی.‌