د روسيی جمهور رئيس ښاغلي مددوف پر امريکا ږغ کړ ی دئ چي د نور هيوادو د تکليف د ټاکلو څخه دي  لاس واخلي . د روسيې د ګازتا انټرنيټي شبکې پرون پنجشبې ويلي دي چي امريکا نه بايد د نورو هيوادو راتلونکې هغوی ور تعيينه کړي .
مددوف  د اتو صنعتي هيوادو  دغونډ ي د جوړېدو په درشل کي چي  د جولای پر اوومه نېټه په چاپان کي  جوړيږي  په مسکو کي  و خبريالانو ته وويل  ،چي   پر نورو هيوادو ډيموکراسي نسي تحميلېدلاي .

نوموړي د عراق او افغانستان  و بحراني اوضاع ته اشاره وکړه  وې ويل چي دغه حالات ښيئ چي د پيسو په زور نسي کېدلای په يوه  هيواد کي  د ډیموکراسۍ ارزشونه پلي سي . هغه وويل چي ډيموکراسي د لسهاوکلونو په اوږدو کي مينځته راځي او داسي يوه سياسي تجربه ده چي د مدني ټولني پر تلاښو باندي تکيه لری  او څوک نسي کولای هغه دي د  انسان دوستانه مرستو په توګه  و يوه هيوادته ورکړي .

 

مددوف ددغي پوښتني په ځواب کي  چي د امريکا و جمهوري رياست ته د جمهوري غوښتونکي ګوند کانديد جان مک کين ويلي دي چي روسيه د ډيموکراسۍ  د اصولو د نقض په خاطر بايد داتو صنعتي هيوادو د ډلي څخه  و ایستل سي، وويل چي دمک کين دغه خبري جدي نه ګڼي او د ډيموکراسۍ مسئله د اتو صنعتي هيوادو کار ندئ ،خو که داسي هم وي ، نو بيا امريکا تر ټولو زیات  په دې برخه  کي ستونزي لري  . مددوف وويل چي په اتو صنعتي هيوادو کي موجوديت د دې يا هغه چا په خوښي يا نا خوښي پوري اړه نلري، بلکه په هغه کي  په اقتصادي  لحاظ قدرتمنده هيوادونه  غړيتوب لري چي نن د نړۍ  په سياسي ډګر کي  ارزښتناکه بازيګران دي .

د اتو صنعتي هيوادو درې ورځنۍ غونډه چي په هغه کي  امريكا، روسيه ، جاپان ، انګليستان ، فرانسه ، ايټاليا ، كاناډا او آلمان غړيتوب لري   د رواني جولای مياشتي پر او ومه نېټه د جاپان په شمال د هکايډو د ولايت د ټوياکو په ښار کي جوړيږي .