د هند په پلازمېنه نوي ډيلي او نورو ښارونو کي د هغه قانون پرضد پراخي مظاهرې پيل سوي چي له مخي يې له افغانستان، پاکستان او بنګلدېش څخه ورغلو کسانو کي يواځي غير مسلمانانو ته د هند تابعيت ورکول کېږي.

دغه قانون تېره اونۍ د هند په پارلمان کي منظور او وروسته د لومړي وزير نرېندرا مودي لخوا توشيح سو.

مظاهره کونکي وايي، چي دا په ښکاره د مسلمانانو سره تبعيضي چلند دی او دوی به يې پر ضد لاريونونه کوي.

په دغه مظاهرو کي غير مسلمانانو هم ګډون کړی دی او د تبعيض پرضد يې شعارونه ورکول.

په هند کي ۲۰۰ مليونه مسلمانان اوسېږي، چي ګڼ کسان پکي له افغانستان، بنګلدېش او پاکستان څخه ورغلي مهاجر دي.