دمیرمن کلتوري – ټولنیز بهیر له خوا (په سترګو کي لیکل شوي افسانه) ناول د۱۳۸۷ کال په زمري میاشت کي چاپ شو.
دغه ناول دمیرمن کلتوري – ټولنیز بهیر فعالي غړي طوبی ندا ساپۍ  لیکلی دی ، ندا ساپۍ ښه شاعره او کیسه لیکواله هم ده او دمیرمن بهیر داوونیزو غونډو رپوټونه هم لیکي .
په سترګو کي لیکل شوي افسانه د ندا لومړنی ناول دی چي په ۱۰۰ مخونو کي د ۱۰۰۰ ټوکو په شمیر له چاپه راووت د کتاب دکمپوز چاري پخپله لیکوالي او دډیزاین چاري یي ښاغلي نور علي تسل تر سره کړي دي . کتاب دافغانستان نامتو ژورنالست،لیکوال او خوږ ژبي ویاند ایمل پسرلي ته ډالۍ شوی . دناول په پیل کي دمیرمن کلتوري ټولنیز بهیر یاددښت خپور شوی او بیا دناول لیکوالي دکتاب په اړه څرګندوني کړي دي .
دناول پیښي د یوي افغاني پیغلي  په ژوند  راڅرخي ، چي دوخت له نا خوالو سره مبارزه کوي .
   میرمن کلتوري بهیر همدا اوس په یو شمیر پروژو کار کوي چي د فولکلور راټولول ، د افغان میرمنو لیکوالو اوشاعرانو دتذکري لیکل او خپرول،دماشومانو داثارو راټولول او ځیني نور کتابونه پکي شامل دي .

دمیرمن کلتوري- ټولنیز بهیر یو خبر ځای وایي چي میرمن کلتوري بهیر او میدوتیک په پام کي لري  په نږدي راتلونکي کي ددغه ناول دمخکتني غونډه جوړه کړي.