د پاكستان ستري محكمې له پخواني ولسمشر متقاعد جنرال پروېز مشرف څخه په راولپنډۍ كي د پوځي كور د خالي كولو غوښتنه كړې.
په اسلام آباد كي د ستري محكمې له خوا په يوه خپاره سوي بيان كي راغلي په دا چي جنرال پروېز مشرف له پوځ څخه تقاعد سوى دئ بايد د پوځ كور خالي كړي.
محكمه وايي له پخواني ولسمشر څخه به دا پوښتنه هم وسي چي په اسلام آباد كي د كروړونو روپيو په ارزښت كور يې د كمه كړى دئ.
رپوټونه وايي جنرال مشرف يوازي په اسلام آباد كي كورونه نه دي جوړ كړي، بلكي د پاكستان په ډېرو ښارونو كي د ډېرو كورونو او يوه ۲۲ منزله تعمير څښتن هم دئ، چي له مشرف څخه يې په اړه بايد پوښتنه وسي چي په دولتي معاش يې دونه جايداد څنګه ترلاسه كړ.