انسان د ځناور نه، بېلوي انسانيت
په زړه کې پرته مينه، جوړوي انسانيت

بې حسه زړه نه ښه دي،کاني بوټي د سارا
احساس په بنيادم کې، ويښوي انسانيت

دوستی د بشريت سره، لوی کاردی د بشر
يواځې همدا کار،تکميلوي انسانيت

وحشي وايې هغه ته، څوک چې ويني تويه وی
وحشت دی چې نړی کې، زړوي انسانيت

کينه او کرکه دواړه، دي کارونه د شيطان
کارونه د شيطان، راپرزوي انسانيت

له زړه کړه کليواله، ديره جوړه د پښتون
راځی به ميلمانه، که زده کوي انسانيت

۳۰ جنوري ۲۰۰۹