لراوبر ویب پاڼه لراوبر يو افغان – تازه خبرونه
تېره ورځ په بلخ كې د شمال د وسلو ټولولو مسوول جنرال عبدالمنان په ۲۰۹ شاهين قول اردو كې په يوه خبري ناسته كې خبريالانو ته وويل چې د تېرو پنځه مياشتو په اوږدو كې څه باندې ۶۰۰ ميله بېلا بېل ډوله سپكه او درنه وسله ټوله كړې ده.
نوموړي زياته كړه چې دغه وسله د شمال په پنځه ولايتونو (بلخ، فارياب، سمنګان، جوزجان او سرپل) كې د وسلوالو مخاليفينو سره د جګړې پر وخت او ځينې يې يو شمېر پخوانيو جهادي قومندانانو په خپله خوښه دوى سپارلې ده.
د هغه په وينا د تېرو پنځه كلونو په اوږدو په شمال كې څه باندې ۱۷ زره وسله ټوله شوې، نږدې ۱۳۰ وسلوال ګروپونه منحل او له دولت سره يوځاى شوي او ۱۶ ولسوالۍ د وسلې ټولونې څخه وروسته د سولې په نوم نومول شوي دي.
