کور / تازه خبرونه / تکړه ژورناليست عابد جان ځړوال په حق ورسېد

تکړه ژورناليست عابد جان ځړوال په حق ورسېد

په ډيره خواشينۍ سره مو خبر ترلاسه کړه چې دپژواک خبري اژانس دانګريزي ژبې تکړه اډيټر  عابدجان رځړوال  دڅلورڅلويښتو کلونو په عمر له دې نړۍ څخه تيره شپه په داسې حال کې سترګې پټې کړي چې کابل ته يي دسفر تابياکوله اودزړه دحملې له امله په حق ورسيد

تکړه ژورنالسيت رځړوال کوزې پښتونخوا اړوند دپېښور سره نژدې د چارسدې د سيمې د رځړو د مشهور کلي اوسېدونکى وو چې هم شاعر هم ليکوال اوهم تکړه ژورناليست وو .

نوموړي دپاکستان په مشورو ورځپاڼو لکه فرنټير پوسټ او نورو کې ډيره موده کار کړي اونوموړي دنيږدي يونيم کال راپديخوا  په کابل کې دپژواک خبري اژانس دانګريزي ژبې داډيتر په توګه دنده ترسره کوله .

د هغه جنازه نن د جمعې ورځ ( ۱ می ۲۰۰۹ ) په سيمه ايز وخت دولس بجې وشوه چې د کلي او شاوخوا سيمې د خلکو تر څنگ گڼ شمېر ليکوالانو، شاعرانو، ژورنالستانو، سياستپوهانو او يارانو دوستانو پکې گډون وکړ.

عابدجان رځړوال دښواخلاقو اوخوشحاله ژوند خاوندوو هميش به يي خوشحالي کوله له ملګرو يارانو سره الله دې ورته قبر روضه دجنت وګرځوي.

د لراوبر ويبپاڼي اداره  او همکاران د نوموړي د ناڅاپي مړيني له امله د زړه له کومي خواشيني څرګندوي ، پاک روح ته يې د لوی خدای له درباره د مغفرت دعا کوو او له ټولو کورنۍ او دوستانو ته يې د تسليت مراتب وړاندي کوو.