دډاکټر عبدالله له کانديدو سره دمارشال قسيم فهيم مخالفت اوترشايې دملي جبهې ګتې .

 دروسانو له يرغل څخه وروسته چې کله افغان مسلمان اوباتور اولس دښکيلاک ګرو فوځونو په وړاندې په ټينګ ايمان سره دهيواد دآزادى په خاطر په خالي لاس په مقدس جهاد پيل وکړ او يوشمير جهادي تنظيمونه دافغانستان څخه بهر جوړ اودمختلفو پرګنورهبري يي په لاس کې ونيوله .

بل آخره روسان مختوري اودسختي شرميدونکي ماتې سره مخ او دافغانستان پريښودوته اړ شول او يوڅوکاله وروسته دروسانو  لاس پوځي رژيم دمجاهدينودجهاد ددور دحکومت دداخلي اختلافاتو په وجه رانسکور شو.

څرنګه چې جهادي تنظيمونودجهاد په دوران کې هم پوره اندازه خپل منځي اختلافونه لرل دبهرنيانودلاس وهنو اوددوي ترمنځ داختلافاتو دزياتوالي په نتجه کې دجهادي ګوندونوترمنځ دقدرت اوچوکۍ ،جګړه پيل دکابل ښکلى ښار لوټې ،لوټې يوزيات شمير بي ګناه انسانان ټپيان ،معيوب او وژل شول اوګڼ شمير نور يې مهاجرتونوته اړشول .

تمه خوداوه چې دکمونيستي نظام اوځاي پرځاي به يومستحکم اسلامي نظام حاکم شي ولي برعکس ځاي يې ورور وژنې ،چورچپاول جنګونو،اوغلاګانو ونيو،اودجهاد ثمره او ديونيم ميليون شهيدانو سپيځلي آرمانونه له خاورو سره خاورې شول .

دظلمونو اوجنايتونو لړۍ  خپل وروستى پړاو ته ورسيده چې بلآخره طالبانو دهغوي په ضد پاڅون پيل اودلږ وخت په تيرويدو سره دپلازميني کابل په ګډون زيات ولايتونو ترخپلې ولکې لا ندې راوستل اودقدرت او چوکۍ پرسرجنګ کوونکي ګوندونو دپنجشير ولايت ته په شاتګ وکړ .

امريکاچې  دسپتپمبر په پېښه اوداسامه بن لادن نيول يي پلمه کړل په افغانستان يرغل پيل اودڅو ورځو پهتيريدو سره دملي جبهې په همکارۍ دطالبونظام رانسکور کړ .

دا هغه وخت وو چې دجبهې هريوګوند دپه زړه پورې چوکۍ دلاسته راوړلو هڅې کولې .

که څه هم ددوي ترمنځ پخوانى دښمني کرکې ،دښمنۍ اوکيني موجودوې وي ولې خود امريکي دنظامي ځواک اودبي دوه پنځوس ډوله جنګي الوتکو له ډاره مجبوروه چې په يوه دسترخوان سره کښيني .

دبڼ له موافقې وروسته دهيواد مهم وزارتونه او نور مهم پوستونه ددوي(دنظار شورا ) دغړو  په لاس کې ولويدل .

دهمدې قدرت څخه په استفادې سره دوي وکولاي شول چې پارلما ته هم خپل زيات استازي وليږى شي .

همداشان ددوي هريو دزيات شمير ډالروکوروو او حتى د شرکتونوخاوندان شول .

که څه هم دجمهوري رياست په تيرو ټاکنو کې هم دوي يوڅوکسانو چې ځانونه ټاکنوته کانديد کړي وو څرنګه چې شمير يي زيات وو  ويې نه شواي کولاي چې ټآکنې وګټي اوله بلې خوا ملت هم ددوي په اړه معلومات درلودل .

اوس مهال چې يوځل بيا انتخابات رانيږدي شوي دي داخو ملي جبهې ته معلومه ده چې وايې ((آزموده را آزمودن خطا است . ))

نويي  دخپلو خارجي بادارانو په خوښه او لارښوونه يوبل تخنيک په کار اچولى هغه داچې مارشال فهيم دعبډالله له کانديدو سره مخالفت وښود ترڅو له يوې خوا په راتلوونکي حکومت کې دګټونکي کانديد سره ښه ونډه ترلاسه کړي اوهم ملت او بهرنيانوته داوښيې چې که فهيم له عبدالله سره مخالفت نه واي کړي زموږ رايې زياتيدلې اودانتخابات موګټل .

اوهمداشان ددې کار څخه يې يوبل هدف دجبهي په وړاندې دمخالفينودپلانونو څخه باخبري ده ترڅو وکولاي شي معلومات ترلاسه کړي چې نور ګوندونه څه کوي اودوي بايد دهغوي په وړاندې کومه لاره خپله کړي .

داڅرګندحقيقت دي چې دوخت په تيرديدو سره حقيقتونه ښکاره اوڅيرې پيژندل کيږي افغان مسلمان اومجاهد اولس دامهال ددوي په رابطه پوره معلومات لري اوهيڅ وخت به بيا پرې اعتماد او اعتبار پرې ونه کړي .