لراوبر ویب پاڼه لراوبر يو افغان – تازه خبرونه
د شمالي پښتونخوا ( ډيورنډ کرښي ها خوا ) د پاړه چنار سيمې څخه ٣٥ کورنۍ پکتيا ولايت اريوب ځاځيو ولسوالۍ ته راکډه شوي چې دځايي خلکو سره ميشت دي .
د پکتيا ولايت د اطلاعاتو او کلتور رئيس دين محمد دروېش وايي چې نوموړي کورنۍ په سيمه کې د شيعه او سني مذهبي ډلو ترمنځ د جنګ او جګړو له امله دېته مجبور شوي چې د ډيورينډ د کرښې ديخوا پکتيا ته راکډه شي .
دروېش زياتوي چې نوموړي کورنۍ زياتو مرستو ته اړتيا لري ، که دولت يا نړيواله ټولنه يې ژر مرستوته راونه دانګي نويادشوي كډوال به د زياتو ستونزو او کړاوونو سره لاس او ګريوان شي .
دا پداسې حال کې ده چې يو څه موده وړاندې هم د عليزيو سيمې څخه خوست ولايت د ٢٠٠ کورنيو په شاوخوا کې کډوال راکډه شوي ؤ او دولت هم د دوی سره د پام وړ مرستې کړي وې .
د يادوني وړ ده چي پر بر افغانستان د شوروي اتحاد د يرغل پر مهال د بر افغانستان څخه په زيات شمېر افغانان د لر افغانستان ته کډوال سوي وو چي ډيرئ يې لا تر اوسه د ډيورنډ کرښي ها خوا مېشت دي .
