عراق: موټر بم ٣٠ کسه مړه او ٤٠ ټپيان کړل
د عراق په نصيريه ولايت کي د موټر بم چاودني ٧٠ کسانو ته مرګ ژوبله واړوله.
د عراق د کورنيو چارو وزارت وايي چاودنه د نصيريه ولايت د البطحه سيمي د ګڼي ګوڼي په يوه ډګ بازار کي سوې ده چي خورا سخته مرګ ژوبله يې اړولې ده.
د نصيريه ولايت پوليس وايي چاودنه د يوه موټر بم په ذريعه ترسره سوې ده چي ٣٠ کسه يې وژلي او ٤٠ نور ټپيان کړي دي او ډاکټرانو د ځينو ټپيانو حالت د اندېښنې وړ بللى دئ.
په مړيو کي ښځي او کوچنيان هم شامل دي او چاودني په شاوخوا سيمه کي نيژدې تعميراتو ته هم زيانونه اړولي دي.