كابل نوی ښـاروال وايي: د ترمينلونو جوړول، واړو او لويو سركونو او لارو لورو جوړول، د غير قانوني ودانيو د جوړولو مخنیوی، دې ښار ته دګازو د پيایپ لاين تېرول، د ټولو ودانيو له مخې د موانعو لرې كول او د ښار پاكول د ده په كاري لومړیتوبونو كې راځي.

انجينر محمد يونس نو انديش، چې اوس اوس يې د كابل ښاروال په توګه دنده پيل كړې وايي له اداري فساد سره به هم مبارزه وكړي.

“زما د کار یو لومړیتوب د فساد، رشوت او اختلاص د شرمونکې پدیدې پر ضد مبارزه ده. د رشوت او فساد پر ضد د مبارزې په لار کې هڅه کوم، چې د یو صادق او رښتيني ټیم په مرسته به د کابل ښاریانو په خدمت کې اوسم او کله چې زما دنده پای ته رسیږي، هیله من یم، چې خلک مې په نیک نامه یاد کړي.”

غونډی ته د ښاروالې مرستيال وهاب الدين سادات هم وینا وکړه او خپله ناقانونه نیونی ته یی اشاره وکړی او زیاته یی کړه چې ده كوم ناقانونه كار نه دی ترسره كړی اوهغه اتهامونه چی دده په ادرس لګول شوی وو بی بنسټه وبلل او ټول یی رد کرل. دا یی یوه توطیه وبلله چی نوموړی ته د ځینی کسانو له لوری جوړه شوی وه، ځکه نوموړی څه موده وړاندی یو شمیر کسان له ښاروالی څخه په دی خا‌طر له دندو ګوښه کړی و چی یاد شوی کسان په اداری فساد ککړ و.

غونډی ته د د كابل والي ذبيح الله مجددي هم وینا وکړه، نوموړی هم د کابل ښاروالی د مرستیال خبری تایيد کړی او د ښاغلی سادات نیونه یی یوه سیاسی توطیه وبلله او د غونډی برخوالو ته یی د ښاغلی سادات د کاری وړتیا، ایماندارې او صداقت په اړه مفصلی خبری وکړی همدارنګه نوموړي هم په خپل وار ژمنه وكړه، چې هڅه كوي د كابل ښاروالۍ سره په ګډه د كابل ښار اوسنۍ څيره بدله كړي. خو ده بيا له نوي ښاروال وغوښتل، چې په خپلو ژمنو عمل وكړي .