په هوټلونو کي چاودنو درنه مرګ ژوبله واړوله
د انډونيزيا په پلازمېنه جاکارتا کي دوې غبرګي چاودني سوي چي د پوليسو په وينا بهرنيان هم پکښي وژل سوي دي.
د انډونيزيا د کورنيو چارو وزير ويلي په دې چاودنو کي چي په ريتز کالټن او ميريټ هوټل کي سوي نهه تنه وژل سوي او شاوخوا ٥٠ تنه ټپيان سوي دي.
د کورنيو چارو وزارت په وينا په مړيو کي يو د نيوزلنډ تبعه دئ او همدا راز په ټپيانو کي د بېلابېلو هيوادونو ١٣ اتباع شامل دي.
په ميريټ هوټل کي په ٢٠٠٣ کال هم يوه چاودنه سوې وه چي ١٢ کسه پکښي وژل سوي وو.