کور / کره کتنه / … دا صحافت او ژورناليزم دې ستا سر وخوري!!!

… دا صحافت او ژورناليزم دې ستا سر وخوري!!!


د پښتو نړيوال کنفرانس يو گډونوال
سيد نجيب سادات- کابل
برېښناليک:zhuand2580@gmail.com


Mogelijk ondersteunt de browser de weergave van deze afbeelding niet. د تېر په څېر مې نن هم د خپل کمپيوټر د چالانولو لپاره د برېښنا په تڼۍ زور وکړ، تر پيل وروسته مې غوښتل ټول افغان ويبپاڼه د نوي خبر د ليدو لپاره پرانيزم.


څه نوي او څه زاړه مطالب مې پکې وموندل، بيا د بلاگونو برخې ته ولاړم، د باز محمد عابد بلاگ ته ولاړم، هلته هم د ځينو نورو مطالبو تر څنگ د (پښتو نړيوال کنفرانس) په زړه پورې انځورونه خپاره شوي وو، خو يو انځور ډېر ژر زما پام راواړوه، هغه دا چې د يو انځور په پېژندنه کې ليکل شوي وو:


((اسرار کريمزى د حل لارې نوټ کوي))


ددې پر ځاى چې د کنفرانس د ځينو گډونوالو، کاري گروپونو او نورو مېلمنو انځورونه پکې خپاره شي، يوازې د (ژبې د ودې) له کاري گروپ څخه يې څو انځورونه خپاره کړي وو، لکه دا نور چې هېڅ نه په ورکشاپونو کې گډون لري او نه ورته راغلي دي، که چېرې د ذکر شوي انځور شاليد (Background) ته پام وکړو نو ښاغلى متوکل او نور پکې له ورايه ښکاري، کريمزى هم په دې نړيوال کنفرانس کې موجود وو خو د کاري گروپونو په برخه کې يې (نړيوال جال) سره همکاري درلوده، د (ژبې ودې) کاري گروپ ته يوازې د يو څو مخونو د چاپولو (پرنټ کولو) لپاره راغلى و چې تر چاپ وروسته بېرته ولاړ، همدا د دوه يا درې دقيقو پر مهال يې ښاغلي باز محمد عابد ژر ژر څو انځورونه اخيستي او پرته له پوښتنې يې په خپل بلاگ کې خپور کړي، او بيا يې ليکلي دي چې ((اسرار کريمزى د حل لارې نوټ کوي)).


حال دا چې د ستونزو او حل لارو نوټ د د کورنيو چارو له وزارت څخه يو ځوان ښاغلي محمد دين همدرد، ضياء الرحمن ضياء او يو بل ناپېژاندي ځوان تر غاړې وې، پرېکړه ليک هم همدغو ځوانانو وليکه.


که چېرې په يوه ډېره وړه خبره کې دومره غټه تېروتنه کېږي، او خلکو ته غلط خبر ورکول کېږي، نو په دې دومره سترو پېښو کې چې هره ورځ د هېواد هر ولايت، لويه ولسوالۍ، کلي او نور… ورسره مخ دي، د صحافت او ژورناليزم مانا او مفهوم به څه وي؟


عابد صېب ته د مطيع الله تراب دا بيت ورډالۍ کوم:


((دا صحافت او ژورناليزم دې ستا سر وخوري))

.