لراوبر ویب پاڼه لراوبر يو افغان – تازه خبرونه
د پېښور پوليس وايي د هغي چاودني له وجي د يوه پوليس په ګډون درې کسه وژل سوي او تر لسو ډېر ټپيان سوي دي، چي نن د دغه ښار د پريس کلب يا مطبوعاتي دفتر مخته وسوه.
پوليس وايي ګومان کوي چي دغه چاودنه يوه ځانمرګې حمله وه، خو دا يې نه دي ويلي چي د بريد کوونکي هدف به څه وو.
د پوليسو په وينا د پېښي قربانيان روغتون ته رسول سوي او د ټپيانو حالت د ډاډ وړ ښودل سوئ دئ.
