غزل
حبيب تاثير - کوټه
د انتظار سترګې ړندې شوې زه لا ستا په تمه
پر لويه لار شوم لكه پل ستا و ديدن ته پاته
لاړې اوډرې قافلې شوې زه لا ستا په تمه
تا مې په څومره بېدردي مړې تلوسې كړې د زړه
دوى خو د خاورو مېلمنې شوې زه لا ستا په تمه
چې مې ليدل د تصور پر مړوند ستا په هكله
واړه خوبونه افسانې شوې زه لا ستا په تمه
ما چې ژړل ستا چې لوزونه د راتلو وو پر خوله
له تا مې هېرې سترګې سرې شوې زه لا ستا په تمه
زنګ مې په پښو كې زولنې شوې زه لا ستا په تمه