سويلي کوريا له شمالي کوريا سره سوداګريزي اړيکي بندي کړې
دسويلي کوريا چارواکو ورسته له هغې چې نړيوالو څيړونکو ددغې هېوادديوې جنګې بيړۍ دډوبيدو لامل دشمالي کوريا دسمندري ځواکونوله خوا پر هغه دتوغونديو بريد اعلان کړ له شمالي کوريا سره خپلې سوداګريزې اړيکې بندې کړي او له هغوئ څخه يې غوښتي څو له سويلي کوريا څخه په دې اړه بخښنه وغواړي.
دسويلي کوريا جمهور رئيس ويلي دهغوى پر وړاندې چې ددغه هېواد پر پوځي بيړۍ بريد ترسره کړ او په پايله کې يې شپږ څلويښت تنه ووژل بايد جدي چلند وشي.
نوموړي همداراز زياته کړه چې له دې وروسته به دسويلي کوريا په اوبو کې دشمالي کوريا پر بيړۍ بنديز ولګوي او دهغوئ له خوا دنورو راتلونکو احتمالي بريدونو پر وړاندې چمتووالى ونيسي.