کور / تازه خبرونه / دامريکا او برتانيا بهرني وزيران افغانستان ته ورسېدل

دامريکا او برتانيا بهرني وزيران افغانستان ته ورسېدل

دامريکا دبهرنيوچارو وزيره کاندوليزارايس او دبرتانيا دبهرنيو چارو وزير ډيويډ ملي بينډ په ناڅاپي سفر افغانستان ته تللي دي دبرتانيا ديوه خبري اژانس په قول دواړه وزيران به په افغانستان کې دناټو ځواکونو له مشر تابه او دافغان چارواکو سره خبري وکړي . کاندوليزارايس تېره ورځ لندن کې دلوړپوړو چارواکو سره په دې موخه غږېدلې چه په افغانستان کې دناټو ځواکونو شتون ته لانوره پام لرنه وشي . ښايي دامريکا اوبرتانيا ددواړو بهرنيو وزيرانو راتګ به افغانستان ته په روان دوزره اتم کال کې دطالبانو په خلاف دنړۍ والي ټلوالي جګړه لانوره ګړندۍ کړي .



کاندوليزارايس د افغان لوړ رتبه مشرانو سره تر ليدني کتني وروسته د ايساف له يو شمېر ځواکونو سره هم ليده کاته وکړه ، هغې د ايساف ځواکونو سره د ليدني پر مهال په خبرو کي وويل چي افغانستان اوس د ناکامۍ له حالته وتلی دی  او نور  نو د ترهګو لپاره د امن ځای نه دی .  نوموړي زياته کړه چي موږ له افغانانو سره د هغوی د هيواد په بيا ابادولو کي مسرته کوو او موږ افغانانو ته د ژوند داسي شرايط برابر کړو چي په خپل هيواد کي په سوله او دموکراسي کي ژوند وکړي .

.