په کندهار کی کیبلی شبکو وروسته له هغه خپلی خپرونی بندی کړی چی تیره شپه شاوخوا لس نیمی بجي دیادو شبکو دمرکزی څانګی و مخته چاودنه رامنځته سوه.
پیښه دهغه چاودیدونکو توکو له امله رامنځته سوه چی په یوه تلویزیون کی ځای پرځای سوی وه.
دکیبلی شبکو دمسولینو په وینا چی دچاودنی موخه د دوی مرکزی دفتر و .
یاد مسولین زیاتوی چی په چاودنه کی دوی ته کوم زیان نه دی اوښتی خو خپرونی به یې تر هغو بندی وی چی د امنیت له اړخه ډاډمن سوی نه وی .
یادو کیبلی شبکو له ۲۰۰۲ کال راهیسی په کندهار کی خپرونی کولې، چی دیو شمیر تفریحی چینلونو ترڅنګ یی زیات شمیر خبری خپرونی هم لیدونکو ته وړاندی کولې.
یاده دی وی چی تر دی دمه دبرید مسولیت چا په غاړه نه دی اخیستی او نه هم ځای چارواکو په دې اړه څه ویلی دي .