نامعلومو موټرسايکل سپرو پرون ماځيکر په خوست کي يو ښوونکی په داسي حال کي په مرميو ويشتلی او وژلی دی چي د ښوونځی څخه کورته روان و ، د پوهني وزارت وياند اصف ننګ  په وينا پېښه د مندوزی ولسوالۍ د ژيړۍ ترخه منځنۍ ښوونځی سره رامنځته سوې ده ، چي د پوهني وزير سخته غندلې ده .

د يادوني وړ ده چي تېره ورځ هم د پوهني وزارت لخوا خبر ورکړه سو چي ناپېژانده کسانو په لغمان کي يوه ښوونځی سوځولې چي د نورو سامان الاتو تر څنګ د قرآن عظيم الشان ۸۵۰ ټوکه سوځېدلي دي ، څو شېبې مخکي ذبیح الله مجاهد د ښوونځيو سوځېدل يوه وحشي کړنه وبلله او زياته يې کړه چي  له څېړنو یې معلومه سوې ده چي د هغه ښوونځی په سوځولو کي چي د قرآن کریم ۸۵۰ ټوکه سوځېدلې وو د ملي امنيت د کسانو لاس و .