لراوبر ویب پاڼه لراوبر يو افغان – تازه خبرونه
په لندن کې د ايندپينډنټ ورځپاڼي په خپله تازه ګڼه کې د يوه غربي ډيپلوماټ له قوله په ډاګه کړېده چې د امريکا لوړ پوړي چارواکي او دهغه غربي انډيوالان د انګلستان په ګډون نه غواړي چې د پاکستان متقاعد جنرال پرویز مشرف دي د پاکستان د جمهوري رياست د څوکۍ څخه ګوښه شي . ويل کيږي چې هغوی په دې اړه د پاکستان دپارلماني ټاکنو د ګټونکو ګوندونو و مشرانو ته لازم ګواښونه کړي دي .
امريکا او د هغه ملګري د ورستيوپارلماني ټاکنو د برياليتوب سره سره چې په هغه کې د مشرف ګوند (مسلم لیګ د قائد اړخ ) وباېلوده او ترټولو لږ څوکۍ يې لاس ته راوړې، په دې باوردي چې د مشرف ګوښه کېدل به په پاکستان کې بې ثباتي راولي !
تر دې دمخه د امريکا د بهرنيو چارو وزيري کنډولي رايس په واشنګټن کې د يوې وينا په ترڅ کې ويلي وه چې پرویز مشرف د واشنګټن د غوښتونو سره سم عمل کړی دی . يعني نوموړي په پاکستان کې بېړنۍ حالت ايسته کړ،پوځي دريشي يې وکښل او د آزادو انتخاباتو د پاره يې لاره خلاصه کړه .
د امريکا د بهرنيو چارو وزيره د پرويز مشرف سره د پاکستان د جمهور رئيس په توګه د خپلو همکاريو پر دوام باندي ټينګار کوي .
خو دا مريکا لخوا دا سي يوه غوښتنه په داسي وخت کې مطرح کيږي چې د پاکستان ددوو بريالي عمده ګوندونو مشران یعنی د پاکستان د خلکو ګوند مرستيالمشر آصف زرداري او د مسلم ليګ د نواز د ښاخې مشر نواز شریف چې ددې وروسته به په پارلمانکې قاطع اکثريت و لري پردې خبره ټينګار کوي چې مشرف بايد د جمهوري رياست د دندي څخه استعفاء وکړي .
