د ۲۰۰۱ د اګست د مياشتي پر پنځلسمه نېټه چي د روژې د مياشتي د پنځلسمي سره سمون خوري د هالنډ هيواد ملي تلويزيون NOS د افغانستان په شمال کي پر تنکيو ماشومانو د جنسي تيري په اړه يو مستند فلم وړاندي کړ چي د هالنډ مېشتو مسلمانانو تر څنګ يې د زيات شمېر اروپايانو سره هم يو لړ پوښتني پيدا کړې !

په افغانستان غوندي يوه اسلامي هيواد کي پر تنکيو ماشومانو جنسي تيرﺉ په داسي حال کي چي عاملين يې ځانونه مسلمانان ، د بشر دحقوقو مدافع او د افغانانو د حقوقو ساتونکي بولي د نه منلو او نه زغملو وړ دﺉ،  لويه څارنوالي او عدلي ارګانونه په دې برخه کي مستقيم مسوليت لري او ښايي چي ژر تر ژره لاس په کار سي .

د لراوبر د يو شمېر لوستونکو او ليدونکو په غوښتنه دا ويډيو دلته هم خپروو ، له هغو لوستونکو چي غواړي په دې اړه تر ويډيو لاندي خپله تبصره ثبت کړي هيله کوو چي د قلم عفت په هر صورت په پام کي ونيسي .