تیره شپه د زابل په مرکز کلات کي پنځه ماین خښوونکي وژل شوي دی.

د زابل امنیه قوماندان،عبدالنبی الهام ازادي راډیو ته وویل،دغه پنځه ماین خښوونکي هله د افغان او بهرنیو ځواکونو په ګډو عملیاتو کي ووژل شول، چي غوښتل یی د شپی دولس نیمی بجي په دکلات ښار په اومکي سیمه کي د امنیتی ځواکونو لپاره ماینونه خښ کړي.

نوموړی وایی، افغان او نړیوالو ځواکونو ته ددی ماین خښوونکو راپور د سیمی خلکو ورکړي وو.

طالبانو تر اوسه پدی اړه څه ندي ویلي.