کور / خبرتیا او پيغامونه / په بلجيم کي د افغان کلتوري بهير د غړو ږغ

په بلجيم کي د افغان کلتوري بهير د غړو ږغ

د مشرانو  جرګي  معزز  مشر  ،  د  رښتيا  ، صفا او  صداقت  لاروي ،  حضرت  صبغت الله  مجددي  درانه  حضور  ته  !


ښاغلې  مجددي  صيب  !


 په  بلجيم  کښي  د افغان  کلتوري  بهير  غړي  او  د  بلجيم  ټول  افغان  اوسيدونکي  ستاسي  درانه  حضور  نه  هيله  لري  ، لکه د  تل  په شان د حق او رښتيا پر دريځ  ودريږئ  او  دې نفاق اچونکو  ته  کلک  او غاښ ماتونکئ ځواب ورکړئ. زموږ هيله داده چي د يوه  مشر روحاني او  مشر  افغان په صفت د  اساسي قانون د پلي کونکو  سره مله شي او  هغوۍ چي د اساسي  قانون په پلي  کولو  کي  خپله  نابودي  ويني ، د  دوږخ کندي  ته ورټيله  کړئ.


په  نننئ  نړئ  کښي  چي  د  تکنالوژۍ  او  پر مختګ  عصر  ګڼل  کيږي  بيا  هم  يوه  ډله  ځانغوښتونکي  غواړي  د  دي  کاروان  په  لاره  کي  ودريږي  او  د  انسان  حق  له  انسان  څخه  واخلي  ٠


د نننئ  نړئ  اصل  ،  په  مورنئ  ژبه   د  تعليم   پر  اصلو  ولاړ  دئ   ٠ دا  د  هر  انسان  حق  ګڼل  شوې  دئ  او  ښه  خو  لا  دا  چي د   اساسي  قانون  په لويي   جرګي  کښي   زموږ  د  اولس  درنو  مشرانو  دا  حق  تايد  او  په  ٤٣  مه  ماده  کښي  يي  درج  او  د  اجرا  وړ  بللئ  دئ ٠


زموږ  افغانانو  هيله   ستاسي  نه  د  اجرايه  ،  قضايه   او  مقننه  قوې   د  لارښود  او  ناظر  په  صفت  داده  چي  :  ستاسي   جناب  په  مشرئ  يو  کميسون  جوړ شي  ،


لمړي :
د  ښاغلي ((  اتمر  ))هڅي  وستايي  او  د  نوموړي  زړه سواند ، پر  افغان  مين  وزير    لاسنيوې  وکړي  ٠


دوهم :
د  افغان  دښمنه  ډلو  تبليغات  او  ډنډورې  خنثا  او  ختمي  کړي  ٠


دريم :
په  ملي  سطح  دولتي  او  غيردولتي  ميډيا  د  خلګو  پوهاوۍ  ته  وهڅول  شي  تر  څو  زموږ  راتلونکئ  نسل  د  خپلي مورنئ  ژبي  په  وسيله  ټول  علم  او  تخنيک  خپل  کړي  ٠ تکنلوژي  او  وړاندي  تلل  زده  کړي  ،  په  مورنئ  ژبه  تجارت  وکړي  ،  په  مورنئ  ژبه  سياست  وکړي  او  بلااخره  د  خپلي  ژبي  عالم  او  اديب  جوړ  شي ٠
ستاسي  د  جدي  توجه  غوښتونکي  يو



په  بلجيم  کښي  د ميشته  افغانانو په  استازيتوب


د  بلجيم  افغان  کلتوري  بهير
مشرتابه  جرګه
بروکسل

.