فکر به دې کاوه ، چې دا دی ولسمشر ، څومره ښې او منظمې خبرې کوي ،ویاړ به دې پرې وکړ،خو یو دم یې له خولې داسي خبره راووته ، چې زړه دې کیده تلویزیون په ګيلاس وولي  اوپرکړو یاړونوبیرته پښیمانه شې .

خدای نخواسته که امریکا پرپاکستان برید وکړي ، زه (موږ) به دورور هیواد پاکستان سره دریږو !!!

امریکا ولې پرپاکستان برید کوي ؟

دا لس کاله څه ،چې دا شل کاله کیږي ته (کرزی) او ملګري دې همدا نارې وهې ، ترهګرې دافغانستان له پولوهغه خواته ده ،څو وارې دې ګیله کړې ،چې ولې امریکا اصلي ځای چیرته ، چې وسله وال دي نه په نښه کوي ؟

خو نن ،چې ستا دخبرو مطابق عمل یا کیږي یا نه کیږي ،خو په اصلي ستونزه خلک پوه شوي ، ته بیا نورې خبرې شروع کړې .

هغه بله ورځ دې له هند سره ستراتیژیک تړون لاسلیک کړ ، نن بیا وایې که هند پرپاکستان برید وکړي (هم اپني پاکستاني بهایو کی سات هونګی ) واوا ، یاره داسي سیاست خو مو نه واله که اوریدلی او نه هم لیدلی وي .

دکونړ خلکو ته خو ورنغلې ! احوال یې دې وانخست خو په وړاندي یې دا خبري هم کوې چې درسنیو رپوټونه غلط دي ! او دپاکستان سره دریږم ، چې پرکونړ نور توغندې هم راوولي .

یاره دپاکستان پنجابي د دال  خورو دخندا دې کړو ، هغوی دې په خبرو خاندي او دافغانانو ویاړلې نوم ته سپکاوی کوي.

مولانا بجلې ګهر، چې دی هم دجمعیت علماء اسلام (دمولانافضل الرحمن ) دګوند غړی وو، هغه مهال مولانا فضل الرحمن ته یوه خبره کړې وه ، چې فضل الرحمن په ټاکنو کې دبې نظیربوټو ملاتړ وکړ.

کوټی مې غټاوه غټاوه ،چې لوی شوو په خرې پسې لاړ .