يو سلو پنځو تنو زده کوونکو ته بري پاڼي ور کول سوې

په داسي حال چي  افغان  يونايټد اداري ښوونيز مرکز دهيواد او اولس دبچو  دروزنزي په موخه داداري اساساتو په مختلفو برخو کي تر اوسه ٥٣٢ تنه ځوانان  ټولني ته په روزلې بنه وړاندي کړي

دادى دخپلي تعليمي پروسې  په لړ کي يې په پنځم  ځل ١٠٥ تنه نورفارغين  دروان ١٣٩١ لمريز کال دوري دمياشتي پر ٢٠ نېټه ټولني ته وړاندي کړل

دبري ليکونو دفراغت دا مراسم چي دهمدې تعلمي مرکز له لوري  دانصاري تجارتي مارکېټ  په انګړ کي  ديادي نېټې دماپښين پر درې بجې داير سوي وه دمازديګر پر پنځه بجې دهمدې تعليمي مرکز دادارې له لوري  دعصريې په جوړولو پاى ته ورسېدل

په دې مراسمو کي چي دهمدې تعليمي مرکز دمحصلينو تر څنګ  دکندهار دپوهني رياست چارواکو ، علمي شخصيتونو استادانو او دپوهنتون ځينو محصلينو ګډون کړى وو ددې تعليمي مرکز يو تن ځوان محصل دقرانکريم دتجويد په ښه اداينه سره غونډه پيل کړه وروسته دحضرت رسول الله صلي الله عليه وسلم روح ته د درود لېږني په موخه يو دقيقه خاموشه رامنځ ته او ټولو برخوالو په خاموشي سره درود  ولېږه  بيا  دهمدې تعليمي مرکز ځوان ښوونکي صديق الله ورور ټولو برخوالو ته ښه راغلي ووايه ترده وروسته  دموضوع اړوند يو په بل پسي دپوهني رياست تدريسي مرستيال محمد عوض نظري ، اداري مرستيال سيدا جان غمخوار ، استاد نجيب الله هوتکي او بشيراحمد بشارت  خبري وکړې بيا داړوند تعليمي مرکز مدير ن قرانمل  دتيري دورې ګذارش واو راوه

تر ګذارش لوستني وروسته پر لايقو زده کوونکو او ميلمنو باندي بري ليکونه ، ستينليکونه او تحفې ووېشل سوې

غونډه چي دهمدې تعليمي مرکز دځوانو فارغو زده کوونکو جندالله او رحمت جاهد په وياندويي پر مخ بېوله کېدله  ددعا په ويلو يې رسمي مراسم بشپړ سول

داچي دامصارف دملي سوداګرو ښاغلو حاحي محمد جان او حاجي عبدالله لخوا ور کول کېږي پر هر يوه زده کوونکي ٥٥٩٠   افغانۍ مصرف را غلى وو.