افغان او بهرنيو ځواکونو تائېد کړه چي شپږ فرانسوي پوځيان په يوه ځانمرګې حمله کي مړه او څلور نور ټپيان سول. پېښه نن د شنبې په ورځ د کاپيسا ولايت په نجراب ولسوالي کي رامنځته سوې ده.

د کاپيسا د ولايتي شورا مشر سلطان محمد ساپي فرانس پريس آژانس ته ويلي چي پر فرانسويانو سربېره درې افغان ملکي کسان هم په دې پېښه کي ټپيان سوي دي.

طالب وياند ذبيح الله مجاهد وايي يي په دې بريد کي  ۱۲ تنه فرانسوي عسکر او څلور کورني پوليس وژل سوي او دوه تنه ملکي کسان چي سطحي زخميان سويدي .