ناڅرګندو وسله والود خوست ولايت د ملي امنيت د څارنوالۍ مستنطق د ټوپك په ګوليو ويشتلى او وژلى دى.
د خوست ولايت د ملي امنيت رياست مرستيال ميراجان وايي چې د شنبې په ورځ سهار مهال د اسماعيل خېلو او مندوزيو ولسوالۍ اړوند د ارخېلو په سيمه كې د ملي امنيت څارنوالۍ مستنطق ډګروال صالح محمد له خپل كور څخه دندې ته پرلار و چې د موټرسايكل سپارو لخوا پرې ډزې وشوې او له امله يې نوموړى تن ځاپرځاى وواژل شو.
د اسماعيل خېلو او مندوزيو ولسوال دولت خان قيومي وايي چې يادى شوي كسان د پېښې له ځايه په منډه بريالي شوي خو پوليسو يې په هغه سيمه كې يوكلي محاصره كړى ترڅو وسله وال كسان پيدا او ونيول شي.