لراوبر ویب پاڼه لراوبر يو افغان – تازه خبرونه
د هند د اندراپردیش ایالت په عثمانیه پوهنتون کې سږکال شاوخوا شپیته(۶۰) تنو افغان محصلینو خپلي لوړي زدکړي بشپړی کړې.
دوی چي د تجارت ، ټولنپوهنې ، انجینرۍ، کمپیوټرساینس، حقوقو او سیاسي علومو محصلین دي تیره ورځ یي دفراغت مراسم دیوي غونډي په ترڅ کي چي په حیدراباد کي دبهرنیو محصلینو په نوښت جوړه شوي وه ونمانځل .
په دغه غونډه کي د پوهنتون د بهرنیو اړیکو ریس (وینوګوپال راو) ، د بهرنیو محصلینو اداري رئیس پروفیسور لکشمایا اونورو لوړپوړو چارواکو هم ګډون درلود ، دوی محصلینو ته لومړی د فراغت مبارکی وویله اوددې ترڅنګ یې دي ته وهڅول چی د خپلو هیوادونو ترمینځ ښې او دوستانه اړیکی ټینګې کړي .
د یاد ولو وړده چی په عثمانیه پوهنتون کي اوسمهال د اته اویا (78 )هیوادونو محصلین زدکړي کوي او د بهرنیو محصلینو د شتون په حساب دهیواد په کچه دوهم لوی پوهنتون ګڼل کیږي .
افغان محصلین ډیر خوښ دي او دخپلو زدکړو د لا لوړتیا لپاره د افغان دولت نه د ماسټری او دوکتورا بورسونو دبرابرولو غوښتنه کوي .
