دسويلى وزيرستان دمکين په سيمه کښې وسله والو بنسټپالو دوژنى اوغلا په تور درى وګړى دسلګوتو سيمه ايزوخلکو ترمخه په رڼا ورځ په ګوليو وويشتل درارسيدلى باورى راپور ترمخه وسله والو افراطيانو دسيمى خلکو ته په وينا کښې وويل چې همدغه دريوکسانو يوه اونۍ دمخه په مکين کښې له يوه سيمه ايز وګړى انتظار محسودڅخه ٦٠زره روپۍ په زور او ظلم سره اخيستى چې هغه ورسره مقاومت وکاوه او دغلو له خوااتنتظارمحسود په موقع ووژل شو قبائيلو له دغه ستر جرم اوجنايت څخه په خبريدو سره سملاسى لاس په کار شول او درى واړه غله او لوټماران ئى په رڼا ورځ دعبرت پخاطر دخلکو ترمخه په ګوليو وويشتل او له منځه ئى ويوړل په وژل شووکسانو کښى فاروق وزير، جنان او يوافغان وګړى شامل دي.