پېښور : د پېښور د مياشتې د ليد کميټې څرگنده کړې ده چې د ذوالحجې د مياشتې د ليدو شرعي شهادت نه دى ترلاسه شوى نو له مخې به يې د اکتوبر د مياشتې په اووه ويشتمه نېټه د شنبې په ورځ لوى اختر لمانځل کېږل. په دې لړ کې د پېښور د مياشتې د ليدو سيمه ييزې کميټې د قاسم علي خان په جومات کې د مفتي شهاب الدين پوپلزي په مشرۍ غونډه وکړه چې په کې مفتي حبيب الرحمن، مولانا خير البشر، مولانا ډاکټر عبدالستار، مولانا شفيق الرحمن، مولانا حسين احمد مدني او د پېښور نورو ديني علماو برخه واخيسه او د ماښام له لمانځه څخه وروسته يې تر ماسخوتنه پورې د مياشتې د ليدو انتظار وکړ خو د مياشتې شرعي شهادت ورته ونه رسېد. له بلې خوا د پاکستان د مياشتې د ليد کميټې مرکزي کميټې اعلان کړى چې نن به د ذوالحجې د مياشتې د ليدو لپاره غونډه کوي.که مياشت وليدل شوه نو لوى اختر به دشنبې په ورځ وي او که ونه ليدل شوه نو بيا يکشنبې په ورځ لوى اختر وي