په ننګرهار کې د فلمي ستورو ترمنځ د کرکټ سياليو په لړ کې خپلواکو ژورنالستانو، بشرمل شان او معشوق شاداب لوبډلو نيمه پاى لوبو ته لاره پيداکړه.
په لومړي کواټر فاينل لوبه کې بشرمل شان لوبډلې ګل پاچا حيدري لوبډلې ته او په دوېمه کواټر فاينل لوبه کې معشوق شاداب لوبډلې علي ګل شېدا لوبډلې ته او په درېمه کواټر فاينل لوبه کې خپلواکو ژورنالستانو لوبډلې جان ولي لوبډلې ته ماتې ورکړې او ځانونه يې نيمه پاى لوبې ته ورسول.
نجيب صادق او حاجي ضمير لوبډلو ترمنځ نن شنبې ورځ سيالي ده که هرې لوبډلې وګټله هغه به هم نيمه پاى لوبې ته لاره پيداکړي.
يادونې وړ ده دغه سيالۍ د لسو فلمي ستورو او د خپلواکو ژورنالستانو يوې لوبډلې په ګډون دوه اونۍ وړاندې د سولې په نوم پيل شوي دي.
ددغو سياليو يواځينې موخه په ښکيلو خواوو غږ کول دي چې له جګړې لاس واخلي او د سولې لاره خپله کړي.