پېښور : په پاکستان او په ځانگړې توگه په خيبر پښتونخوا کې د دود خلاف به سبا د روژې د مياشتې لومړۍ ورځ وي. د پاکستان د مياشتې د ليدو مرکزي کميټۍ مشر مفتي منيب الرحمن څرگنده کړه چې د هېواد په يوې برخه کې هم مياشت ونه ليدل شوه. نو له مخې سبا د پنجشنبې په ورځ د روژې لومړۍ ورځ ده. بلخوا د خيبر پښتونخوا په پېښور کې د قاسم علي خان د جومات جيد علماؤ چې د مفتي شهاب الدين پوپلزى په مشرۍ يې د مياشتې ليدو غونډې کوي، دا ځل يې د دو پر خلاف د پنجشنبې په ورځ د روژې لومړۍ نيټه اعلان کړه. مفتي شهاب الدين پوپلزي هم څرگنده کړه چې د خيبر پښتونخوا په يوې برخه کې هم مياشت نه ده ليدل شوې. خو په ځينو سيمو کې نن خلکو روژه نيولې ده.