دکندهار فوټبال منتخبه لوبډله د زون په کچه په ټورنمینټ کي د برخي اخستني په موخه نن د شنبې ورځ د هلمند ولايت ته ستنېږي.

د کندهار فوټبال فدراسيون مرستيال ظاهرجان د لراوبر سره په اړيکه کي وويل دافغانستان فوټبال غورلیګ لپاره دمیوند اتلان لوبډلي ته به د زون په سیالیو کي دکابل د فدراسیون د پلاوی او روزنکي لوبغاړی انتخاب کړي چی ورسته به بیا د زون په نمایندګي دمیوند اتلانو تر نامه لاندی دافغانستان فوټبال په غوره لیګ کی لوبي تر سره کړي.

ښاغلی ظاهر جان وايي دکندهار فوټبال لوبډلی اوله لوبه د زون په ټورنمینټ کي په یکشنبې د لښکرګه ښار په کرزي لوبغالي کي تر سره سي.

دکندهار د فوټبال منتخبي لوبډلي د لوبغاړو او روزنکو د نومونو لیست نن د ورځي په اوږدو کي ددغه ټورنمنټ په اړه د تازه جزياتو سره له لراوبره خپرېږي.