لراوبر ویب پاڼه لراوبر يو افغان – تازه خبرونه
د خوست ولايت د عليشېرو په سرحدي ولسوالۍ کې د پوله ساتونکو پوليسو په يوه موټر بمي چاودنه شوې، چارواکي وايي چې له امله يې څلور سرتيري ووژل شول او دوه نور ټپيان شول.
د خوست په ولايت کې د سرحدي پوليسو د دويمې لوا يوتن قوماندن شېراحمد کوچى وويل چې ډيورنډ پولې ته څېرمه د دغه ولايت د عليشېرو ولسوالۍ د ابوخانې کلي ته ورڅېرمه سيمه کې د دوى پوليس په ګزمه بوخت وو چې په موټريې بمي چاودنه وشوه، د ده په خبره چې له امله يې څلور سرتيري وژل شوي اودوه نورټپيان شول.
د دولت مخالف وسله وال طالبان وايي چې دغه بمي بريد دوى کړى او ادعاکوي چې ترلسو پورې سرتيري پکې وژل شوي دي.
