وروسته له شپږو کلونو څخه طالبانو يو ځل بيا غلو ته دسزا ور کولو په خاطر داوو تنو غلو مخونه تور او د تيرې جمعې په ورځ يې په ١۵ کليو کې دعامو خلکو په محضر کښي وګرځول .
دجلالي په نوم دوسله والو طالبانو يوسيمه ايز قوماندان په وردګو کې وايي چې دجمعې په ورځ يې هغه اووتنوته دمخ تورولو سزاورکړه اودسالارو په سيمه کې يې پرکليو وګرزول .

خو دسيداباد په ولسوالۍ کې دپوليسو سرچيني وايي چې دغه کسان غله نه وو اوددوي څخه يوه جداشوې ډلګى وه چې دخپلو جنجالونو له امله يي ددوي امر  نه مانه .
 
جلالي وايي چې دغه کسانوپه خپلو جرمونواعطراف کړي وو او دوي به دوردګو دسيداباد په ولسوالۍ کې دلارې پرسر غلاوي کولي اودخلکو مالونه به يي لوټل .
 
دغه طالب مشر داهم وويل چې ددغه کسانو څخه يي دوه راکټونه يوثقيل اوڅلور کلاشينکوفونه نيولي دي .

دسيداباد ولسوال ډاکټر مسلم وايي چې دغه کسان خپله دطالبانو ملګري وو او وخت ناوخت به يي دخلکو مالونه لوټل .

هغه وويل چې دوي تراوسه راپور نه دي رسيدلي چې طالبانو ددې چا مخ تور کړ ي وي
 
خو دسيمې کليوال خلک بيا ددغه کسانو مخ تورول مني او وايي چې دجمعي په ورځ يې په باغک اواوتړيو ته نيږدې کليو کې ګروزول .
دباغک دسيمي اوسيدونکي دنوم دنه ښودلو په شرط وويل چې دغه کسان يي په موټرو  اوموټرو سايکلونو باندې سپاره کړي وو او په کليو يې ګرزول .