مقامات وايي چي یرغمل نیونکو له تښتول شویو ۳۰ مسافرو څخه یوتن نن ماښام خوشي کړی دی د شاه جوی ولسوال عبدالخالق ایوبي لراوبرته وویل چي یرغمل نیونکو د ولسي مشرانو په لاس خپله یوه غوښتنه وړاندې کړې او هغه د غزني په جاغوري ولسوالۍ کې د خپل یوه نیول شوی موټر د خوشي کیدو غوښتنه ده. دا چي پدې موټر کې څه وو او څومره مهم دی په اړه يې ولسوال ناخبري وښودل . خو د رواني اونۍ په سر کې د زابل په شاه جوۍ ولسوالۍ کې په وسلو بار یو کانټينر موټر چي سپکي او درنې وسلې پکښې بار وې له ۳ تنو سره یو ځای د پوليسو له لوري نیول شوی وو . هغه مهال هم داسي شکونه وو چي ممکن دغه وسلې د زابل په شمالي ولسوالیو کې د نویو را پیدا شویو وسله والو ډلو پوري اړه ولري