دکابل – کندهار پر لويه لار دمسافروامنيت او د چارواکو نوی پلان
مسافردکابل کندهارپرلارامنيت غواړي اوچارواکو هم پردغه لاردنوي پلان خبرورکړ
دکابل کندهاردلويې لاري مسافر غوښتنه کوي چې دولت دي دکابل کندهاردلوي لاري امنيت ته خاصه پاملرنه وکړي اودهغوستونزومخه دي ونېسي چې سپرلي ورسره مخ کېږي .
دغه لويه لارچې پلازمېنه کابل دسويلي اوسويل لوېديځونږدي څوارلسوولايتونوسره نښولي دامنيتي ستونزوله امله هيڅوک ورباندي تګ ته زړه نه ښه کوي .
په لمړيوکې دغې لوي اقتصادي لاري دډامبريدوسره دخلګوهيله داوه چې نوربه په ډيرلږوخت کې ترخپل هدف پوري ورسيږي خواميتي پېښويې داهيله په ناهيلي بدله کړه .
دکابل کندهارلويه لاردميدان وردګو،غزني اوزابل ولايتونوڅخه تېريږي چې هره ورځ په دغوولايتونوکې ورباندي نښتي رامنځ ته کېږي .
وس ددغې لويې لاري په اوږدوکې پراته ځېني پلونه هم ددولت دمخالفينوله لوري په بمونوتخريب سوي چې دتګ راتګ لړي يې له خنډسره مخ کړېده .
له دې سره سره اوس پردغه لويه لارهيڅوک هم تګ ته زړه نه ښه کوي ،ځکه داسي ورځ ددي نه وي چې ددولت مخالفين دي له موټروڅخه څوک نه کښته کوي .
پدې باب ولسمشرکرزي هم تيره اونۍ خپله اندېښنه ښودلي وه اودوزيرانوپه شوراکې يې دسويل لوېديځي لويې لاري دامنيت دسمون لپاره دچټکوګامونودپورته کولوامرکړي و.
اوس تازه دسوېلي زون دپولېسومرستيال مل پاسوال ميرويس نورزي خبروکړچې ډيرژربه دخپل ماموريت په سيمه کې دکابل کنددهاراوکندهارهرات پرلويه لارامنيتي حالت دډاډوړکړي .
خودسويلي حوزې دپولېسوعمومي قومنداني وايې چې دزابل دپښ له کندي څخه بياده دفراه ولايت سردهلمندترشرېکې نقطي پوريې چې ددوى دماموريت سيمه ده امنيتي پلان ترتيب کړې اوپه عملي ډول ډيرژراعلان کړي .
بلخواداتل قوال اوردوقومندان جنرال ګل اغانايبي چې دپولېسوله نوموړي جګ پوړي قومندان سره يې په يوه خبري غونډه کې خبري کولي خبروکړچې دپخواپه پرتله يې په ښارکې خپل حضورزيات کړي اوداوردوسرتيرپه هروڅلورويشتوساعتونوکې چمتودي چې په هرډول بيړنيوحالاتوکې خپل غبرګون وښيې .
نوموړي زياته کړل چې دقوال اوردوقومنداني له ښارڅخه په لري واټن کې پروت دي اوترښارپوري ددوي راتګ زيات وخت نېسي .
جنرال ګل اغانايبي پداسي حال کې په ښارکې دننه دخپلوسرتيرودحضورخبرورکړچې پرزندان دبريدپرمهال داوردودسرتيرودځنډيدالامل دقوال اوردواوښارترمنځ دواټن زيات والي ښودل سوي .
