په افغانستان كې مېشت اتلافي ځواكونه د شمالي او جنوبي وزيرستان په لور د افغانستان او پاكستان ګډې پولې ته ځانونه رسوي .
د جيو ټلوېزيون د راپور له مخې له تېرې شپې را په دېخوا په سيمه كې د امريكا د جاسوسي الوتكو زياتو اولوتنو د خلكو فام ځانته اړولى دى .

د يادې شوې سرچينې په وينا له تېرې شپې را په دېخوا د اتلافي ځواكونو د لېږد په وسايلو كې زياتوالى راغلى او ګڼ شمېر چورلكې ، توپونه، ټانكونه او موډرنې وسلې يې د دواړو هېوادونو ګډې پولې ته رسولي دي .
د سرچينې په وينا په وزيرستان كې ګڼ شمېر خلكو له ويرې كورونه پرې ايښي دي .او ځانونه يې گوښه ځايونو ته رسولي.

سرچينې زياته كړې ده :

تېره شپه اتلافي ځواكونو د افغانستان او پاكستان په ګډه پوله د غلام خان، شوال ، امير چيمبر او الواړا سيمو ته ځانونه رسولي دي او په يادو شويو سيمو كې د ناټو د جنګې الوتكي په پراخه پېمانه الوتنې كوي.

دا په داسې حال كې ده چې د پاكستان حكومت په وار وار ويلي دي چې په پاكستان كې به بل چاته د علمياتو اجازه نه وركوي.