لراوبر ویب پاڼه لراوبر يو افغان – تازه خبرونه
فغان امنیتي او دفاعي ځواکونو په بلخ ولایت کې د ولید-۹ په نوم د وسله والو په وړاندې پوځي عملیات پیل کړي دي.
په شمال کې د ۲۰۹ شاهین قول اردو وایي، د ولید-۹ په نوم پوځي عملیات نن سهار ۶ بجې په چمتال ولسوالی کې پیل شوي.
د شاهین قول اردو له خوا په خپره شوې خبرپاڼه کې راغلي چې د وسله والو په وړاندې پوځي عملیات د چمتال له ینګې قلعې، شور آبې، او جر قلعه له سیمو څخه پیل شوي.
خبرپاڼه زیاتوي، چې د عملیاتو په ترڅ کې تر اوسه ۲ تنه وسله وال وژل شوي او لږ تر لږه ۴ نور ټپیان دي.
په شمال کې افغان پوځ ډاډ ورکوي چې چمتال ولسوالی به ډیر ژر د وسله والو له شتون څخه په بشپړه توګه تصفیه شي.
د دولت ضد وسله والې ډلې تر اوسه په دې اړه څه نه دي ویلي.
