کور / تازه خبرونه / د ملکي وګړو د خونديتوب ګروپ: طالبان دي د ملکي مرګژوبلي مخه ونيسي

د ملکي وګړو د خونديتوب ګروپ: طالبان دي د ملکي مرګژوبلي مخه ونيسي

د ملکي وګړو د خونديتوب او عدالت غوښتني ګروپ وايي، چي د تېرو نورو میاشتو په څېر پراخه مرګ ژوبله په هغو بریدونو بمي چاودنو او مخامخ جګړو کې اوښتې چې ډېری برخه یې د طالبانو له لوري تر سره شوي دي.
د ياد ګروپ له لوريپه خپرت سوې خبرپاڼه کي ويل شوي دي، چې په اګست میاشت کې پراخ ملکي تلفات په غزني کې واوښتل ، د حکومتي شمېرو له مخې د غزني ښار په برید کې ۸۲ تنه ملکي وګړي شهیدان او ۲۱۲ تنه نور ټپیان شوي دي .
د تېرې اګست میاشتې په لسمه نېټه وسله والو طالبانو د اسلامي تمدن په پلازمېنه غزني ښار برید وکړ او نږدې سل(۱۰۰) ساعته په ښار کې د ننه جګړه راونه وه . حکومت د تلفاتو پړه پر طالبانو ور اچوي چې برید طالبانو کړی؛ خو طالبان د تل په څېر وايي چې ملکي وګړو ته د حکومت په ډزو کې مرګ ژوبله اوښتې ده .
د ملکي وګړو د خوندیتوب او عدالت غوښتنې ګروپ یا (CPAG) موندنې جوتوي چې په تېره اګست میاشت کې د افغانستان په ۱۹ ولایتونو کې د ښځو او ماشومان په ګډون ټول ټال (۷۸۵) ملکي کسانو ته مرګ ژوبله اوښتې، چې (۲۶۱) کسان شهیدان شوي او ۵۲۴ تنه یی ټپیان کړي دي .
د حکومت د شمېرو له مخې د غزني ښار د څلور ورځنۍ جګړې په ترڅ کې نږدې ۳۰۰ ملکي کسانو ته مرګ ژوبله اوښتې ده؛ خو CPAG وايي چې لا هم د غزني ښار د جګړې د ملکي تلفاتو دقیق شمېر نه دی په ډاګه شوی ، که چېرې تلفات دومره هم وي، د غزني په تاریخ کې درنه مرګ ژوبله بلل کیږي.
سيپګ وایی چې یو ځل بیا د ځانمرګو بریدونو له کبله لویه مرګ ژوبله اوښتې چې په لومړي سر کې کابل راځي چې د ځانمرګو بریدونو له کبله پکې ګڼ شمېر ملکي وګړي شهیدان شوي او ټپیان شوي دي ، لویه مرګ ژوبله د کابل په دشتي برچي سیمه کې په يوه ښوونیز مرکز د ځانمرګي برید له کبله اوښتې وه چې ۶۹ تنه پکې شهیدان او ۹۵ تنه نور ټپیان شول.
د ملکي وګړو د خوندیتوب او عدالت غوښتنې ګروپ یا سپګ د جګړې په ښکېلو غاړو غږ کوي چې پر ښوونځیو ، جوماتونو، مدرسو ، ښوونیزو مرکزونو او ملکي تاسیستاتو بریدونه و نکړي .
په پکتیا ولایت کې پر یوه جومات د ځانمرګي برید په پایله کې ۲۹ تنه ملکي وګړي ووژل شول او ۵۴ نور ټپیان شول .
سپګ د ملګرو ملتونو له سازمان او امریکا متحده ایالاتو څخه په کلکه غوښتنه کوي چې په افغانستان کې د ملکي تلفاتو د مخنیوي لپاره دې هر اړخیزې او بېړنۍ هڅې پیل کړي .
د ملکي مرګ ژوبلې اداره د حکومت له وسله مخالیفینو هم غواړي چې پر ښارونو دې د ډلییزو برید ونو څخه ډډه وکړي تر څو د ملکي وګړو پراخه مرګ ژوبله تکرار نشي.
د ملکي وګړو د خوندیتوب او عدالت غوښتنې ګروپ په تېره جولای میاشت کې ۵۴۲ ملکي کسانو مرګ ژوبله ثبت کړې وه چې پکې ۲۳۲ شهیدان او ۳۱۳ نور يې ټپیان وو.

.