کنډوليزا رايس : “پاکستان بايد ډير څه وکړي.”
27
د امريکا د بهرنيوو چارو وزيرې کنډوليزا رايس ويلي چې پاکستان بايد په افغانستان کې د طالبانو د بريدونو د مخنيوي لپاره نورې هلې ځلې وکړي.
هغې په اسټريليا کې خبريالانو ته وويل. ((داسمه ده چې د پاکستان د حکومت لپاره صوبه سرحد يوه سخته سيمه ده خو د دې اجازه نه شي ورکول کيدی چې طالبان دې په دغه سيمه کې د افغانستان په خاوره کې د عملياتو پلانونه جوړ کړي.))
د يادونې وړه ده چې په دې وروستيوو کې په افغانستان کې د امريکايي سرتيرو مرګ ژوبله د ناقراره عراق څخه ډيره ده او همدغه خبرې امريکايان پريشانه کړي دي.
څه موده وړاندې په افغانستان کې يو امريکايي جنرال ويلي وو چې د پاکستان په قبايلي سيمو کې جنګيالي په ښکاره توګه ګرځي راګرځي چې بايد مخه يې ونيول شي.
