لراوبر ویب پاڼه لراوبر يو افغان – تازه خبرونه
د لادرکه بلوڅانو لپاره د اواز اوچتولو غورځنګ ويلي، چي د اختر پر لومړۍ ورځ به د کوټي پريس کلب مخي ته پراخ لاريون کوي.
د ياد غورځنګ مرستيال ماما قدير بلوڅ پر ټولو اتحاديو، زده کونکو او ګوندونو ږغ کړی دی، چي په دغه لاريون کي ددوی سره ګډون وکړي.
ماماقدير بلوڅ په يوه وېډيويي پېغام کي خلګو ته ويلي، چي اختر يوه مذهبي او اسلامي ميله ده، خو له دغي خوشالۍ څخه بلوڅ، پښتانه او سنديان محرومه سوي دي.
نوموړی وايي، چي د پښتنو، بلوڅانو او سنديانو خلګ د پنجاب د حکومت لخوا لادرکه کېږي او په زرګونو کسان ئې اوس هم په زندانونو کي دي او يا ئې هم وژلي دي.
ماماقدير بلوڅ وايي، چي يواځي په بلوچستان کي ۴۵۰۰۰ ځوانان د پوځ لخوا لادرکه سوي دي او دغه ۴۵۰۰۰ کورنۍ هر اختر د غم پر ټغر ناست وي او د خپلو خپلوانو د راتګ شيبې شماري.
نوموړي وويل، نو په همدې خاطر هغه د ټولنې د هر فکر سره تعلق لرونکو، سياسي ګوندونو، زده کوونکو اتحادیو، مدني ټولنې او د وکيلانو نه علاوه په ټولو هغو چې خپلوان يې ورک دي چې دوي د اختر په ورځ په درې بجې د کوټې پرېس مخې ته په احتجاجي مظاهره کي ګډون وکړي او خپل اخلاقي بلوڅي،د پښتونولۍ او سندهي فرض پوره کړي او زيات خلک دې پکي ګډون وکړي.
بلوچستان میں اس وقت 45000سے زائدافراد لاپتہ ہیں ان 45000 خاندانوں کے لیےعیدخوشیوں کےبجائے غم کاتہوار ہے۔ہر عید کی طرح اس عید میں #VBMP دوپہر 3بجےکوئٹہ پریس کلب کےسامنے مظاہرہ کرے گی۔تمام مکتبہ فکرسے تعلق رکھنےوالےافراد سے اپیل ہے کہ مظاہرےمیں شرکت کرکےاپنےانسان دوستی کاثبوت دیں۔ pic.twitter.com/KZLfNpBQlu
— Mama Qadeer Baloch (@QadeerMama) June 1, 2019
پاکستاني پوځ په سيمه کي په لسګونو زره پښتانه او بلوڅان لادرکه کړي دي چي زيات شمېر ئې په شکنجو او کړاوونو سره وژلي دي.
پښتون ژغوني غورځنګ هم د خپلو ورکو سويو پښتنو د سرنوشت او پتي مالومولو لپاره بې درېغه کوښښونه کوي، ترڅو د ترهګر پوځ په منګلو کي ايسار پښتانه راخوشي کړي او د وژل سويو پښتنو په هکله څېړني وکړي.
