دجنوبي وزيرستان په مکين سيمه کي د پوځ لخوا ايښودل سوي ماين چاودنه کي څلور ماسومان ژوبل سوي دي.

د ماين چاودني دغه پېښه د جنوبي وزيرستان په مکين سيمه کي هغه وخت رامنځ ته سوه کله چي يادو ماسومانو په دغه ځای کي لوبي کولې.

دا په مکين کي د يوې اونۍ په ترڅ کي دوهمه د ماين چاودني پېښه ده.

څو ورځي وړاندي هم دلته يو ماين چاودېدلی وو او د يوه سړي پښه ئې غوڅه کړې وه.

د پښتون ژغورنې غورځنګ (پي ټي اېم) مشر منظور پشتين د مکین د پېښې په اړوند ټويټ کړی او ویلي يې دي پي ټي اېم د اولې ورځې څخه دغه غوښتنه کوي چي ياده علاقه دې د ماينونو څخه پاکه کړی سي خو د دوي په دې غوښتنه سنجيده هڅې نه کيږي.

Another landmine blast in S.Waziristan Makin severly injuring 4 childrens.Since very first day PTM is saying to de-mine d ex-fata but no serious efforts had been made to de-mine d area, which is causing heavy toll on already war affected people lives.#Freedom4AliWazirMohsinDawar

— Manzoor Pashteen (@ManzoorPashteen) July 31, 2019

څلور ورځې وړاندې نوموړي په جنوبي وزيرستان کيد يوې بلې ماين چاؤدنې په غبرګون کيپه ټويټر ویلي وو چي دا په تېرو دوه کلونو کي۱۷۳ ماين چاودنه ده.

هغه ويلي، دوي د ماينونو پاکولو غوښتنه کوي خو رياست لګيا دي د ماينونو په ځای پي ټي اېم لرې کوي.

This is the 173rd land mine blast in the last two years that has resulted in civilian casualties in south Waziristan. Removal of these land mines is one of the main demands of PTM. But instead of removing land mines, the State is trying to remove PTM. https://t.co/R1DHU3mpQD

— Manzoor Pashteen (@ManzoorPashteen) July 27, 2019

پاکستاني پوځ په قبائلي سيمو کي په لسګونو زره ماينونه پرته له کوم موجب څخه کرلي دي او په دې سره ئې د زرګونو پښتنو خپل ژوند له لاسه ورکړی او يا هم پکي ژوبل سوي دي.