لراوبر ویب پاڼه لراوبر يو افغان – تازه خبرونه
د افغان سولي لپاره د امريکا ځانګړی استازی زلمی خليلزاد په خپل تازه ټويټ کي ويلي، چي د طالبانو سره ئې د نهم پړاو خبري پای ته رسولې او نن به کابل ته د سلامشورو لپاره ولاړ سي.
نوموړی وایي: “موږ د یوه داسې توافق په درشل کې یو چې زورزیاتی به لږ کړي او افغانانو ته به ور پرانیزي چې سره کښیني او د یوې باعزته او پایدارې سولې او د یوه متحده او بااقتداره افغانستان په اړه چې متحده ایالتونو، متحدینو یې او بل هیواد ته ګواښ ونکړي، مذاکرات وکړې.”
موږ د یوه داسې توافق په درشل کې یو چې زورزیاتی به لږ کړي او افغانانو ته به ور پرانیزي چې سره کښیني او د یوې باعزته او پایدارې سولې او د یوه متحده او بااقتداره افغانستان په اړه چې متحده ایالتونو، متحدینو یې او بل هیواد ته ګواښ ونکړي، مذاکرات وکړې.
— U.S. Special Representative Thomas West (@US4AfghanPeace) September 1, 2019
په قطر کي د طالبانو او امريکا ترمنځ د نهم پړاو خبري څو ورځي وړاندي پيل سوي وې او ويل کېدل چي په دې دور خبرو کي به د طالبانو او امريکايانو ترمنځ د سولي هوکړه نهايي سي.
د قطر مذاکرات پر داسي مهال روان وه چې دوې ورځي وړاندي طالبانو پر کندوز ښار حمله وکړه او د افغان ځواکونو سره د ښار په څنډو کي په جګړه کښېوتل.
زلمي خليلزاد تېره ورځ وويل، چې پر کندوز د بريد په هکله د طالبانو سره ږغېدلی دی او ورته ويلي ئې دي چي د مذاکراتو پر مهال بايد تشدد ختم سي.
ما نن په خبرو کې د کندز برید یاد کړ او طالبانو ته مې وویل چې دغه ډول زورزیاتی باید ودرول شي. سربیره پر دې، جنرال میلر نن د کندز لیدنه وکړه او افغان ځواکونو ته پر مرستې تمرکز کوي چې د ښار دفاع کوي.
— U.S. Special Representative Thomas West (@US4AfghanPeace) August 31, 2019
